發新話題
打印

黑店元朗大棠路"衫友"車房"聞"哥

黑店元朗大棠路"衫友"車房"聞"哥

大約九個月前小弟部MOVE壞咗個Turbo,咁就經我老表介紹,去咗呢間"衫友"車房,搵咗呢個阿"聞"哥整車,點知換完個Turbo之後,個bar表個bar數竟然可以去到1.2(未壞前個bar數最高都係0.7),
條死氣喉又嘈到連音響都聽唔到,自己又唔係好識喎,咁阿"聞"哥又話係咁喎,咁我都算嘞,又唔係咩靚車,又唔係成日揸,最多行車時咪就下囉!點知一個唔好彩,响三個月前我部車就俾差佬捉咗去朗月街驗車驗嘈音,咁我就攞咗部車去第二間車房度換條死氣喉之後咪自己揸出驗囉,點知就唔Pass,個驗車官就話"死氣喉排出過量廢氣",自己搞就緊係驗唔到啦,咁我就搵番"衫友"車房"聞"哥叫佢幫我搞啦,
阿"聞"哥呢佢就話掂嘞,同我加夠兩個催化,個轉數較低小小,佢就話整完幫我揸去再驗過,點知搵車房搞驗完都係唔Pass,咁無計啦,唯有排到5/10再驗第三次啦,因為第三次驗要開始罰錢,所以呢次點都要驗到,咁我就同阿"聞"哥講叫佢同我唸唸計,佢就緊係乜都話掂啦,呢次佢就話同我換個條原裝死氣喉,又話拆咗個Turbo當NA車去驗,點知最後都係驗唔到,呢次個結果就話個"遮鈴"漏氣,影響個出氣又乜又物,又話排到14/10再驗過,咁我就緊係唔信佢啦,就叫個fd幫我去攞番部車,因為我個fd响"戴槍"度做,假假地都叫大公司,佢又係做整車嘅,呢d嘢就緊係佢熟個我啦,點知前幾日8/10我個fd去到呢間"衫友"車房度攞車,牌簿同啲文件,但阿"聞"哥話我部車响九龍,個Turbo拆咗出泥,未裝番,叫我個fd聽日再去攞過啦,都唔知呢個"聞"哥堅定流,最慘就係唔知佢會唔會拆咁d嘢出泥,不過咁都無計,因為我對呢間"衫友"車房阿"聞"哥無晒信心,第日9/10咁我個fd就再去攞,好彩最後都攞到,咁阿"聞"哥話係咁意收番千六蚊(因為第二次驗唔使罰錢,第三次先要,所以當收一次人工千六蚊),咁都無計架,都要俾,最緊要攞得番部車,點知我個fd攞埋d文件後,原來唔係14/10驗,係26/10驗至真,咁阿"聞"哥咪即係"話"14/10出去驗又收多我一次錢?咁我個fd又幫我睇下架車有無俾人拆咁d嘢,好在就無,之但係連拆個嘢嘅痕跡,即係由頭到尾根本無整過嘢就揸出去驗啦,同埋我個fd話根本個Turbo啲出入氣唔啱,個bar數無可能去到1.2,再聽我個fd啲行家講呢間"衫友"車房原來真係一間黑店,所以咁多位朋友如果睇完呢編文章之後,有機會千期唔好去呢間車房整車或者買車,無謂有不必要嘅損失!!

ps:我老表就去開呢間"衫友"車房整開車,大家話我好唔好同佢講聲叫佢留意下呢?
收藏到QQ书签 永久保存到收客网

TOP

發新話題