vivian 2008-11-20 14:37
裝修 設計, 千祈唔好搵馬頭圍道 - 設計屋 (Cyber House)
裝修設計, 千祈唔好搵馬頭圍道 - 設計屋 (Cyber House)
設計屋 - 標明自己係業主會工程及物業供應中心, 又話主要做裝修, 廚房, 大陸有自己傢俬廠, 仲話成條馬頭圍道有關公司都係搵佢哋工廠做傢俬。就係咁我哋4月尾收樓, 5月中決定搵佢哋裝修設計, 不過500呎單位, 到今日(9/9)仲未有明確完工日期...
設計屋, 點知設計都係大路嘢, 仲只得一兩幅圖揀, 我哋唯有自己比design佢改。可能佢哋designer太少又個個都忙, 每次改圖都要等成個幾禮拜, 個3D圖更加不知所謂, 搵外援做都無好嘢睇到。Contract上講明一個月交, 點知淨係等圖都未得。到傾掂開工已經6月尾, 點知仲衰, 一開始就掉咗我哋保留既舊電器, 油牆油到一撻撻, 地板打臘又一粒粒突起, 仲整錯個廚櫃高度添, 傢俬送嚟又唔搵嘢墊住個地板, 花晒........講明要圓角傢俬, 點知出到嚟個個四四方方, 原來係佢哋做唔到圓。裝修師傅又唔夠, 有師傅都埋怨工作量太多, 宜家仲有4成未搞, 都唔知幾時得...
公司誠信好緊要, 設計屋既人講嘢無句真, 仲會擺明缷鑊比其他人, 樣樣都話得, 不停搵藉口推期, 大家搵裝修設計公司時要注意啊, 免得好似我哋咁一肚氣呀!! 本來做業主 等裝修好收樓一刻既緊張心情, 已經比設計屋破滅晒啦~~ 佢哋真係一間黑店嚟 ga